بين طيات القلوب يِكمِن السر
بين رمش العيون
تشوف مراية بيجري فيها الزمن زي الخيل
وشفتين مرمر ..يشفوا قلب عليل
وخصلتين شعر بيتمختروا على الجبين
أتعجب وأقول الله والعسل على الخدود ماشي
والأيدين فراشتين تايهين بين الزهور
ضحكتها زي الناي
حزينه بس يادوب
مولودة بين القلوب
بكاها أوتار كمان..بترقص رقص حزين
دمعتين ينزلوا زي ستارة ..تعلن النهاية..؟
............................................
فراشة شاردة مادقتش طعم الوجع ماعرفتش غير طعم غزل البنات وقوس قزح ..حبة فراشات طايرين في الشوارع ..على الرصيف..ممكن تلاقيها متشعلقة في كمك في الزحام في الحواري في كل مكان ..إلا في البستان
12 comments:
انها الاطياف تحلق بعيدا عن دنيا البشر
تخطفنى من طريقى وتضعنى بين امواج البحر
تفقدنى قدرتى على الكلام لاعود الى النظر
تحولنى لعاشقة للوحات الوجود لاجد حالى مجرد احلام ..........
بوست حلو اوى واحساس عالى جدا يا هيومان
تحياتى
فراشه أجدت صياغتها لتشعرنا أنا -جميعا- فراشات أو باحثين عنها
---
انت بتكتب عامي جميل أوي
استمر
عالهامش :مدونتك التانيه إصلاحيه بحته
ربنا معاااك يا محمد
سلااام
مادقتش طعم الوجع ماعرفتش غير طعم غزل البنات وقوس قزح ..حبة فراشات طايرين في الشوارع ..على الرصيف..ممكن تلاقيها متشعلقة في كمك في الزحام في الحواري في كل مكان ..إلا في البستان
فكرتني باسلوب رحاب بسام
جميل جدااااااا اسلوبك
تحياتي
اسلوبك مبدع و جميل فعلا ..
احساسك صادق و كلماتك جميله جدا
تسلم ايديك .. ربنا يوفقك
تقديرى و تحياتى
rovy
بوست احساسه عالى اوى
و التصوير فيه لذيذ اوى
جميل اوي احساسك
وكلماتك رقيقة
تحياتي
بما انها فراشات تبقى اكيد رقيقة والرقة خارج البستان عامل جذب للنار اللى بتحرقهم
جميل شعرك
سلام
تسلم اناملك على كلماتك الرقيقة
Angel Love
كلمات عميقة و احساس بسيط يتطاير بسهولة عبر الكلمات , جميل .
سارة على
تحياتي أنا على كلامك الجميل ده..وأتمنى إن دي ماتكونش أخر زيارة
..........
s@g!
ربنا يخليك ياسيدي ...إصلاحية مرة واحدة ..لاياعم ده بوست ولا بوستين ..مش لما نصلح نفسنا الأول
..........
إسراء
رحاب بسام ...كاتبة موهوبة ..بس أنا ماقريتلهاش عامي قبل كده ..على العموم ..رحاب مش شوية برضه
روفي
شكراً ياروفي على المجاملة الرقيقه دي
.......
ذربونه هانم
الله يخليكي ياستي ..ربنا مايذربنك أبداً
..........
كلام وخلاص
هو فعلاً يا كلام ...إنتي قريتي اللي بيدور في دماغي بالظبط
وهو ده اللي في البوست الجاي
blue nile
marionette
angel
شكراً يجماعة بجد على المجامله دي ..وأنبسطت جداً لما وصلكم إحساس الكلمات دي كده
شكراً على تواجدكم جميعاً
Post a Comment