ولا حاجة

كان فاضل إيه يحصل ؟
كان فاضل إيه يكون ؟
مافضلش غير ذكرى ..وشوية صور
مافضلش غير حزني جوا الضلوع ناشب
أقول بكره أنسى
لكن كأن الزمن حطبه اللي بيغذيه
أقول الزمن مشرط و وهايشيله
لكن بدل مابيشيله بيجرحني
ويجرحني
ويجرحني
وأنا اللي كنت فاكر الزمن صاحبي
والزمن مابيصاحب
الزمن غدار
...
أه ياصاحبي يا ابن الإيه
بقه كل ده يضيع ... بقه كل ده يهون

ولا حتى مكالمة تليفون
نسيت حبي وإخلاصي
ياراجل ... بلا كلام فاضي
أستحلفك بالله ماتنساشي
ماتقساشي
.......
تعالى ولوم
تعالى وعاتب
ده الصمت نار
.......
والله عارف
لكن تفيد بإيه الميه في الأرض البور
تفيد بإيه الجنه متحوطه بسور
يفيد بإيه عصفور في قفص محصور

ولا حاجه