رمضان

ربما يرتبط رمضان عند كل شخص بذكريات معينه ولكنه يرتبط عند كل المسلمين برائحه ومذاق خاص غايه في الروعه,..........منذ خمسة سنوات تقريبا كان أول رمضان أحضره في مصر بالتأكيد وبدون منافس ومع كل المنغصات على البني أدم المصري ولكنه رائع بل غايه في الروعه إذ أن رمضان هنا له مذاق إجتماعي جميل وينتهي بالعيد والذي كانت العيديه بالنسبه اي أنا واخواتي حاجه جديده .......طبعا موضوع الإفطار العائلي الكبير واللي كنا محرومين منه .....أكيد رمضان أحلى مع تيته وعموه وعمته وولاد عمي وعمتي ممكن مانشفش بعض كتير طول السنه لكن أكيد بنتجمع في رمضان ونتعرف على بعض من أول وجديد .............ولكن والحق يقال رمضان في السعوديه يغلب عليه الجانب الروحي والديني بكثير .....مازلت أذكر تلك الأيام التي أتوق إليها بل أفتقدها ,كنا نقوم بدري مش بدري أوي- ....ونجهز الأكل الأزم للأفطاو ونحطه في علب بلاستيك وكان طبعا مش فطار جامد أوي كلها حاجات خفيفه عباره عن مقليات ونواشف وعصائر وعلى العصر نطلع على مكه وياسلام لو كانت العشره الأواخر كان الطريق زحمه موت وممكن المغرب يأذن علينا وإحنا في العربيه ........بس ساعات كان بابا يعمل حسابه ويطلع من الطريق القديم .........ساعات نفطر في الطريق وساعات نفطر في الموقف وساعات كنا نوصل بدري ونفطر في الحرم ....مقدرش أوصفلكم على الروح بتاعة البني أدم كانت بتبقى عامله إزاى .........حاجه كده لا توصف بجد .......روح محبه روح إخاء وكرم .....الناس بتعزم على بعضها اللي معاهم زناس تانين بتوزع تمر ولبن وجبات والحرم يتحول الى ساحة كبيره للمحبه و بعد ا نصلي المغرب ونرجع نكمل فطار ويا دوبك نقوم نصلي العشا وياسلام على صلاة العشاء والتراويح في الحرم هما بيقبوا أكتر لكن كله يهون ...........الواحد ماعرفش قيمة الحجات دي إلا لما جه مصر .,,,..........أااااااااه فكرتوني بالذي مضى